Алфа ТВ во битка против лажните вести.. Откако СДСМ јавно ја обвинија телевизијата дека шири лажни вести и делува антидржавно, сега вели пу пу не важи. Не сме делувале противдржавно. Ама еве ја вистината. Што кажа Кузеска денеска. Не беше подготвена да одговори.

Антидржавни се значи воопшто не е кажано, од прес конференциите кои се посветени токму на оваа тема единствено е кажано дека се работи за антидржавни интереси на државата, а тоа се членството во НАТО како очекување на датум за преговори со европската унија…за лажните вести може да ви направиме анализа …за 5 минути после прес конференцијата.

А што кажа пред 6 дена:

Медиумите на Мицковски имаат задача да го поткопуваат Договорот со Грција и со текстовите негативно да влијаат на членството во НАТО.

Што значи мисијата на медиумите и сомнителните унгарски пари е антидржавна и ги загорзува европските аспирации на државата….. очигледно им помагаат надворешни анти- државни фактори, коишто со корумпирање на медиумите, ја загрозуваат демократијата и европската иднина на државата.

Како што вети Кузеска така и направија. Брзо по прес-конференцијата СДСМ испрати маил со т.н. пет лажни вести што наводно ги објавила Алфа.

Првите три не се вести туку емисии, едната со прашален наратив, во која Алфа ги прашува граѓаните а тие коментираат. Другите две имаат и продолженија во кои буквално се објаснети сите страни на приказните.

Претпоследната се однесува на вест која е лажна ама само според СДСМ – оти Алфа најодговорно тврди дека ги има сите докази и изјави кои беа и објавени.

По објавувањето на истата притисокот врз Алфа прво беше од МВР но откако им ги дадовме сите аргументи – се повлекоа. Последната не е лажна вест.

Се работи за лапсус лингва кога наместо Бујар Османи беше кажано името на Кочо Анѓушев. За што и се извинивме.

Во маилот сакајќи да ја оправда неаргументираноста, СДСМ додава дека нема намера да рецензира вести туку само мерела колку сме го почитувале новинарскиот кодекс.

Ја потсетуваме партијата се уште на власт, дека за тоа постојат новинарски здруженија и тела, а нејзина работа е не да ја рецензира Алфа, туку да се себерецензира што од ветеното исполнила а што не за граѓаните.

Мери Ѓорѓиевска