Два дена Преспанскиот договор и што со него доколку не останат на власт е главната тема со која се занимаваат СДСМ и Заев, но и понатаму тврдат дека тоа немало да биде основната теза за изборите. Заев вчера одржа и посебна прес-конференција за што ќе се случело со договорот од Преспа ако на власт дојдат ВМРО-ДПМНЕ, а неговиот портпарол ги повтори тезите денеска, ама лидерот на СДСМ како да се премислува – вели во предизборието ќе зборуваат за економија.

“Не може ние политичарите да не ги споменеме. За мене е ризик уништувањето на Преспанскиот договор. Прво затвараме еден нов сосеед повторно со проблем на ново вето, ретроградни процеси, кавги со соседите или слично и затоа секогаш ќе го спомнувам. Лично ќе се посветам со огромна доминација на економијата за да има вистински економски натпревар помежу политичките субјекти. Две работи ќе бидат дооминантни во следниот четиригодишен период, економија и трансформација севкупна на нашето општество”, изјави Заев.

Токму економијата и реалниот живот на граѓаните, како што Алфа го предупреди премиерот, се главна тема на сите избори, но како Заев планира да им се наврати, ако секој ден повторува дека ВМРО-ДПМНЕ кога ќе дојде на власт, ќе го поништи договорот, а со тоа ќе сме го загубеле НАТО и ЕУ.

Како што наближуваат изборите, раководството на ВМРО-ДПМНЕ продолжува да заговара опасни идеи за укинување на договорот од Преспа. ВМРО-ДПМНЕ сака да го укине договорот кој не внесе во НАТО и не донесе на чекор до преговори со Европската Унија, изјави на вчерашната прес-конференција лидерот на СДСМ, Зоран Заев.

И додека СДСМ се занимава со хипотетички ситуации oстанува не одговорено прашањето како доколку влеземе во НАТО годинава, некогаш би можеле да не исклучат оти одредена партија сака ревидирање на Преспанскиот и како државата би се вратила 20 години назад кога договорот постои само 2 години.

Meри Ѓорѓиевска