Јавниот долг на Македонија ќе порасне до 66% од БДП и нема да се сатбилизира до 2026, ќе се живее многу тешко

Јавниот долг на земјава ќе расте, а стабилизација на граница од 60% од БДП не се очекува до 2026, што значи дека македонската економија уште долго ќе биде на стаклени нозе. Иако власта уверува дека состојбата е стабилна, бројките не велат така. Според министертвото за финансии, долгот годинава ќе достигне 63,9% од БДП. Рекордот ќе се руши догодина за кога се прогнозира да порасне на високи 65,9%. Во 2023 е проектиран на 65,2%. Намалување, но не под 60% е планирано за 2024 година – кога јавниот долг е проектиран на 62,5%. Во 2025 треба да е 60,1% и дури 2026 да се спушти под 60% од БДП.

На ваквите загрижувачки прогнози, предупредува и поранешната заменик министер за финансии во техничката влада, Гордана Димитриеска Коочоска која реагира дека до сега власта ги промашила сите проекти, и сега ги задолжувала граѓаните.

  • Најголемиот проблем кој оваа влада го прави, е тоа што во континуитет се задолжува, а во исто време не сакаат да погледнат во трошоците кои ги прават, и да видат што може да се намали, а простор за намалување на трошоците има. Имено имаме повеќе од 300 милиони евра во разни расходи, за кои треба да се погледне каде одат, рече Гордана Димитриеска Кочоска.

Таа кажа дека ако се погледнат прогнозите за јавниот долг до 2026 година, состојбата е многу тешка. Кочоска потенцира дека новите задолжувања кои што ќе доаѓаат ќе бидат со повисоки каматни стапки. Кочоска го повика министерот да крати на трошоци, и да не се дозволи јавниот долг во 2023 година, како што е напишано во прогнозите да достигне 65.9%, бидејќи тешко ќе се враќа истиот, особено ако се земе во предвид фактот дека продуктивноста во Македонија паѓа, народот се иселува, а фирмите работат катастрофално.

Она што загрижува и тоа сериозно е дека економијата наместо да заздравува, оди во ќор сокак. Се трошат милионски суми за недомаќински потреби, проектите тапкаат в место или се реализираат делумно и со доцнење. Дека тоа е така покажува сликата на терен. Авртопатот Кичево Охрид е далеку од реализација проект на кој биле потрошени околу 350 милиони евра. Пругата кон Бугарија е заглавена во постапките за тендери и проекти, на стернд бај е и автопатот до Блаце.

Борис Грујоски