Идеја за ручек: Тестенини со компири

Состојки:

400 гр тестенини по желба (полжавчиња, спирали, лентички…)

3 поголеми компири

1 кромид

2 лажички слатка црвена мелена пиперка

вегета, сол, бибер

Подготовка:

Одделно сварете ги тестенините во еден сад и компирите во друг.

Исцедете ги сварените тестенини, и излупете ги компирите и лесно изгмечете ги со вилушка (не до крај, само колку да се раскашаат). Ако сакате побрзо да бидете готови со ручекот. Компирот излупете го и исечете го на коцкички, така ќе се свари побрзо.

Испржете го исецканиот кромид на масло во поголема длабока тава, додадете ја мелената пиперка и промешајте. Потоа додадете ги тестенините и пирето од компири, сол или вегета и добро измешајте.