Ибрахимовиќ го продолжи договорот со Милан до 2022

Златан Ибрахимовиќ официјално го продолжи договорот со Милан до наредното лето. Швеѓанецот се врати на „Сан Сиро“ во јануари минатата година, и со неговите настапи ја оправда довербата во управата. И покрај честите повреди, Ибрахимовиќ сезонава со 15 погодоци се наметна како вистински лидер на тимот, па не случајно и во 40та година ќе го носи дресот на Милан. Досега има одиграно 130 натпревари и постигнати 84 погодоци, сметајќи го периодот од 2010 до 2012 година.