Хаос во градскиот превоз – автобусите постојано доцнат или не се појавуваат

Хаос во градскиот превоз – автобусите постојано доцнат или не се појавуваат

Градот ги закрпи дупките во буџетот на jавното сообраќајно претпријатие, но, ЈСП не ги закрпи дупките во својата работа. Автобусите повторно доцнат, а со тоа, скопјани не стигнуваат навреме на работа или пропуштаат лекарски термини. Некои автобуси, воопшто не се ни појавуваат. Граѓаните велат, не се задоволни од јавниот превоз во Скопје. Да се возиш со ЈСП значи да немаш достоинство, оти често нема каде да се седн, па се гужваме како риби во конзерва и постојано се мрзнеме.

За разлика од другите метрополи, каде функцинираат и трамвајски или метро системи, во Скопје, јавниот превоз се уште се потпира исклучиво на автобуси.

Долго најавуваниот БРТ или „Bus rapid transit“ системот никако да се оставари. Хроничниот недостаток на алтернативи за јавен превоз во главниот град, Скопје се обиде да го надмине со тротинети. Кои се пак далеку поскапи од користењето на автобус.

За тоа, до каде е реализацијата на БРТ системот и кога се очекува да започне изведбата на проектот, прашавме и во Град Скопје. Но, по обичај, откако Данела Арсовска раководи со градот, одгвори за јавноста не добивме.

Неодамна, скопското јавно сообраќајно претпријатие, повторно беше во центарот на вниманието, откако на вработените им доцнеше декемвриската плата. ЈСП бараше амин од советот на градот за дополнителни 11 милиони евра, иако буџет за 2023та, веќе имаше – додека пак градското собрание за возврат, бараше отчет за тоа, каде се парите. ЈСП парите ги доби, но, советниците се пожалија оти повторно остануваат без извештај за тоа, како работи претпријатието.

Никола Цветкоски

КАТЕГОРИИ
Споделете ja веста