Граѓаните се подготвуваат за летен одмор, Грција останува најпосакувана дестинација

Рестрикциите се олабавуваат во сите држави, Македонците се подготвуваат за летување. Грција останува најпосакувана локација за македонските граѓани, пред Турција и Албанија. Туристичките работници велат, дека ништо не се сменило во навиките за летување на македонските граѓани од пред почетокот на епидемијата.

• Грција секако е најпобарувана, доколку протоколите останат онака како што се најавени, освен Грција, Црна Гора и Албанија..-рече АНГЕЛ ИВАНОВ-ТУРИСТИЧКА АГЕНЦИЈА „BALKAN FUN “

Се бараат подолги одмори за разлика од порано, најмалку десетина дена велат од агенциите. Има и благо покачување на цените поради протоколите и капицитетите на исполнетост. 

Во Грција од петокот, македонците може да влезат со потврда за вакцинација или негативен ПСР-тест. Покрај Грција, македонските државјани со речиси исти пртоколи ќе можат да пауваат во Хрватска  и во Бугарија. Граѓаните од третите земји во Хрватска ќе можат да влезат со потврда за уплатено сместување и негативен ПЦР тест или брз антиген не постар од 48 часа. Турција од вчера без ПЦР тест ја отвори границата за некои земји, но не и за Македонија. Македонските туристи единствено без услови добредојдени се само во Албанија, БиХ и Црна Гора. Агенциите со очекувања за целосно скратување на рестрикциите, велат не сакаме да размислуваме на спротивното.

Викторија Миткова