Гласот на Америка: Намалени нелегалните преминувања на мигрантите меѓу САД и Мексико

Мигрантите се движат во близина на челичната ограда што ја означува границата меѓу САД и Мексико во Аризона.

Тие веќе пешачеле девет милји во САД за да стигнат до овој камп во Сасабе. Овде, тие чекаат да се предадат на офицерите на американската гранична патрола. Повеќето велат дека ќе побараат азил од владата на САД.

„Во мојата земја во Африка, работите не одат добро. Затоа решив да дојдам во САД“, рече Ахраф Дуро-Нил, мигрант од Того.

Мигрантите го опишуваат нивното патување во САД како опасно.

„Се плашев за мојата безбедност бидејќи во шумата во Панама не беше лесно. Шетавме во голема шума. Не беше лесно, но успеавме“, додава Ахраф Дуро-Нил.

Американските функционери објавија податоци кои покажуваат дека илегалните премини во САД од Мексико паднале за повеќе од 6% во април, наспроти вообичаеното пролетно зголемување.

Царината и граничната заштита на САД соопшти дека наишле на речиси 129.000 мигранти помеѓу влезните пристаништа долж југозападната граница. Тоа е помалку од околу 137.000 во март и речиси половина или 250.000 во декември.

Владата на САД во голема мера го припишува падот по спроведувањата во Мексико. Мигрантите сè уште доаѓаат од различни делови на светот.

Има многу миграција што ја гледаме од Западна Африка. Ова се генерално јазици и култури со кои не сме запознаени. Јазици и култури со кои другите мигранти не се запознаени. Тоа секогаш преставува малку предизвик“, вели Џон Модлин, американска гранична патрола.

Но, дури и со помали бројки, официјалните лица велат дека шверцерите ги носат мигрантите во најизолираните области, како ова во секторот Тусон во Аризона.

„Мораме да излеземе во овие многу оддалечени области кои немаат нужно асфалтирани патишта за да стигнеме до нив. Ние одиме таму и најдоброто што можеме да дојдеме до нив и да утврдиме дали има некој што е поранлив од останатите и потоа да ги извлечеме тие луѓе од таму“, додава Модлин.

Од мај 2023 година, американските службеници за имиграција депортираа повеќе од 720.000 лица. Мнозинството илегално ја преминале југозападната граница.

Во кампот во Сасабе, хуманитарните работници им обезбедуваат храна и вода на мигрантите.

„Порано беше Мексико и Централна Америка, а тие луѓе сè уште доаѓаат, но има луѓе од различни земји во Африка. Запознавме луѓе од Бангладеш од Индија, …не знам. Тоа е нешто како Обединетите нации“, вели Марк Сандерс, хуманитарен работник. 

Намалувањето не ја спречи републиканската критика за тоа како администрацијата на Бајден се справува со имиграциските прашања.

„Ако луѓето мислат дека можат да дојдат нелегално, ќе дојдат“, вели Џоди Арингтон, републиканец.

Њујорк како град со најмногу нелегални мигранти, ги засили напорите со истиснување на мигрантите од преполните засолништа, откако почна да спроведува ново правило со кои барателите на азил ги ограничува на еден месец во системот на градот, пред да треба сами да најдат засолниште и да не се терет на градот, како што беше случај досега.

Јованчо Наумоски, Глас на Америка – Вашингтон