Фабрика од ТИРЗ – Штип, виновник за еколошката катастрофа во реката Брегалница

Пукнато црево од цистерна при дотур на хемикалии во склад е причина за вчерашнаа еколошката катастрофа во река Брегалница кај Штип, покажа увидот на инспекторот за животна средина. Какви хемикалии се испуштани и како ќе се одразат на биодиверзитетот на реката ќе покажат резултатите од земаните мостри.

Белата боја и неподносливата реа на лепк беа причина за вчера да се направат вонредни контроли на водата во Филтер станицата и бунарите од каде градот се снабдува со вода за пиење. Не се констатирани промени во хемискиот и бактерилошки состав. Сепак и во наредните три дена ќе се вршат вонредни контроли..

Загадувањето на реката започна вчера по 17 часот. Здружението за спортски риболов Брегалница го детектираше и каналот од кај што влегува белата течност во реката. Гнев и револт кај штипјани кои додека рекреираа беа сведоци на еколошката катстрофа. Бараат најостри казни за виновникот.

Ова не е прв пат да се испуштат хемикалии во водите на најголемата река во источниот регион. Пред две години Брегалница се обои во црна, сива и црвена боја. Инспекторите тогаш не можеа да го локализират виновникот, туку беше откриен пропуст кај неколку компании во кругот на Македонка, кои се занимаваат со боење на ткаенини.

Александра Ристевска