ЕСМ за Алфа: Договорот со „Марковски компани“ се склучи заради непречено производство на струја

ЕСМ за Алфа: Договорот со „Марковски компани“ се склучи заради непречено производство на струја

Морало да се склучи милионскиот договор со „ Марковски компани “ за РЕК Битола непречено да произведува струја, тврдат од ЕСМ. Стручни лица утврдиле дека било непохнодно да се склучи зделката за изнајмување на механизацијата од која компанијата на белорускиот почесен конзул Борче Марковски  ќе ќари 4.8 милиони евра. Од ЕСМ во одговор за Алфа велат дека набавката била според планот за работа на комбинатот и планот за производство на ЕСМ

Освен за ископ и утовар на јагленот што се јавува на работните етажи, механизацијата што е предмет на јавната набавка ќе се користи и за изработка на канали за одводнување на рудниците, изработка на водособирници, чистење на погонските станици од материјал, изработка на патишта и достава на материјали до багерските станици, информираат од ЕСМ.

„Марковски компани“  е фирма која е основана во 2002 година со паричен влог од 2.500 евра, но во годините наназад стана омилената на власта СДСМ – ДУИ, за делење тендери. Според последниот договор, ќе заработуваат по 7.800 денари на час за изнајмување на хидрауличен багер на гасеници и 1.790 денари на час за багер. На прашањето како е одбрана токму „ Марковски компани“ и дали имало пријавено и други компании, од ЕСМ велат дека имало уште една фирма но таа не ги исполувала услобите и немала дигитален потпис.

На јавниот повик за набавка на услуга од ангажирање на помошна и градежна механизација за потребите на РЕК Битола се јавија две фирми – понудувачи. Понудата на едниот економски оператор беше неприфатлива од причини што не беше доставена согласно условите од тендерската документација, односно не ги исполнуваше условите за техничка и професионална способност и немаше дигитален потпис на доставената документација, велат од ЕСМ.

За делењето тендери и испумпување пари од државната каса преку ЕСМ имаше низа реакции и во минатото. Неколку месеци пред изборите ЕСМ  со народни пари набавувуваше 52 возила вредни 2,3 милиони евра, а се додели и еден од најголемите тендери за РЕК Битола повторно на Марковски компани  во вредност од фантастични 46 милиони евра .

И додека ЕСМ очигледно служи за влечење пари од државниот буџет,наместо за инвестиции електро – енергетскиот систем во Македонија постојано крахира. Недомаќинското работење потрошило 3.2 отсто од БДП за субвенционирање на електрична енергија, покажаа последните анализи.

КАТЕГОРИИ
Споделете ja веста

COMMENTS

Wordpress (0)
Disqus ( )