ДВЕ ТРЕТИНИ ОД ХОТЕЛСКИТЕ КАПАЦИТЕТИ ВО ОХРИД СЕ ПОЛНИ, ДОЈДОА И СТРАНЦИ ОД ДАЛЕЧНИОТ ИСТОК

Првомајски, паразникот го раздвижи нашиот најголем туристички центар, донесувајќи гости од целиот свет. Вљубениците во Охрид уживаат во македонскиот бисер, покрај домашните, најбројни се гостите од опкружувањето ,а забележливо е присуство и на гости од европските земји и Далечниот исток. Широка насмевка ги краси лицата на странските туристи, чиј пат ги навел во Охрид.

Туристите кои исполнаа 70 % од сместувачките капацитети,уживаат во долгите прошетки по чаршијата, кејот, обиколувајќи го стариот дел на градот. Охрид никого не остава рамнодушен,туристите ја вдишуваат убавината на големото плаветнило, крстарејќи по езерската шир со охридската бела флота и бројните пловила.

„Има раздвиженост, има народ,па ќе видиме сега колку се со пари, колку ќе се возат и колку ќе потрошат но во секој случај е подобро гледаме.Кои тури највеќе ги сакаат турстите?  Истото, овие кратки тури од половина час до час над Канео, Титова резиденција и назад“, изјави Ирак Каневче – бродар.

Ако првомајските празници се репер за успешноста на претстојната туристичка сезона,градот под Самоиловата тврдина оваа година ќе биде полн со гости.

Очигледно е веќе дека почнува движењето да оди во позитивна насока, тоа може само да не радува имаме навистина и најави за престојната туристичка сезона.Сеуште не можам да кажам во проценти,верувајте сега тек почнуваме процентуално да ги сумираме тие туристички посети на Охрид“, изјави Тодор Аслимоски – туристички водич

Празничниот ден ги наполни терасите на кафулињата.Секој наоѓа забава за себе,која во Охрид и тоа како ја има. Туристичките работници веруваат дека деновиве се само најава за долго и бериќетно лето.

Новинар Росица Голабоска

Снимател,монтажа Златко Маневски