Димитриеска Кочоска: Владата лаже за јавниот долг, има нереални проекции додека задолжувањата растат

Поранешната заменик министерка за финансии во техничката влада, Гордана Димитриеска Кочоска на својата фејсбук страница објави статус во кој ја обвинува власта дека непотребно ја задолжија државата и ги повика советниците во Владата да ја одбранат погрешната политика на власта.

Во продолжение целиот статус на Димитриеска Кочоска:

Владата лаже за јавниот долг, има нереални проекции додека задолжувањата растат.

Во Стратегијата 2021-2025 Владата пишала дека јавниот долг до 2025 ќе биде 58,8% од БДП. Исто така наведуваат дека во периодов на Корона криза ќе има отстапување од тој процент.

Сега БДП за 2020 се пресметува со помал пад од она што ќе биде реално. Тоа понатаму значи дека јавниот долг за 2020 ќе биде повисок од досега проектираниот. Во следните години ќе се опоравуваме многу тешко ама долгот ќе расте забрзано.

Имено, во буџетот за 2021 имаат напишано дека капитални инвестиции за 2021-2025 ќе бидат 3,1 милјарди евра од кои 1,84 милјарди од кредити.

Можеби математиката е тешка да ја сфатите, но заклучокот е следен: некој дебело нѐ лаже. Или во 2025 нема да имаме јавен долг 58,8% од БДП (не гледам како ќе расте економијата, гледам како ја уништуваат само) туку многу поголем, или 3,1 милјарда евра е само ставено на хартија.

А најголемата трагедија е што нѐ испозадолжија, ама трошењето на продуктивни работи не се гледа. А ќе враќаат кредити многу генерации во иднина.

П.С. Ајде советниците одбранете ја математиката на Владата.