Чулев против предлогот на владата да продолжат изборните активности

ОБСЕ и ОДИХР се клучниот партнер на полицијата во спроведување на фер и демократски избори, па поради тоа, треба доволно време истите протоколи да се имлементираат вели министерот  за внатрешни работи,  Наќе Чулев. Од тие причини тој гласа против предлогот на владата да продолжат изборните активности по завршување на вонредната состојба.

  • Во услови кога имаме зараза од корона мора владата односно политичките партии да се усогласат консензуално за одржување на избори во времена корона. Тој протокол мора да имплементира од  ДИК и МВР. Како најповикани институции за организирање фер и демократски избори. Тоа значи ние на повеќе од 6000-6500 полициски службеници кои ќе бидат ангажирани на денот на изборите треба да им одржиме нови избори бидејќи се работи за нов протокол за организирање избори вели министерот за внатрешни работи Наќе Чулев.

Што се однесува до вчерашните обвинување од страна на лидерот на СДСМ, Зоран Заев,  дека министерот треба да си поднесе оставка бидејки имало грешки во неговото  работење, Чулев вели дека тоа се политички обвинувања  во пресрет на парламентарните избори.

  •  Јас тука сакам да го демантирам и да ги демантирам сите оние политичари кои што овие изјави ги даваат пред се заради политичка конотација. Пред се заради престојните парламентарните избори со оглед на тоа дека јас сум единствениот останат на опозицијата во владата. Можам да ви кажам дека МВР, без оглед на тоа што сум единствен претставник на опозицијата, најажурно и најодговорно ги извршува оние обврски коишто произлегуваат од уредбите на владата и одлуките коишто ги носи владата се со цел справување на заразата со корона вели министерор за внатрешни работи Наќе Чулев.

Според Чулев владата не е таа која треба да го одреди датумот за одржување на изборите, туку тоа го прави претседателот на собранието. Настрана од тоа, вели Чулев, со оглед на епидемијата на коронавирус сите одлуки треба да се носат консензуално и сите политички капацитети да се обединат.  Според Чулев консензуалните одлуки треба да се носат затоа што тоа го бара и Европската комисија.

Викторија Миткова