Чоколадиран сендвич – кога немате ништо благо дома

Викендов ни е фокусиран на рецепти од леб, па освен солените триаголници, можете да си направите и десерт со тост-лепчињата.

Ова слатко задоволство ќе можат да го издржат само љубителите на чоколадо и многу благи десерти.

Потребни состојки:

• Две дебели парчиња од коцкаст леб
• 100g темно чоколадо
• 50g маршмелоу
• 40g какао
• 2 лажички кафеав шеќер
• 3 јајца
• 80ml млеко
• 1 лажичка екстракт од ванила
• 100ml крем за готвење
• 2 лажички шеќер во прав
• 30g путер

Начин на подготовка:

• Направете засек од горната страна на парчињата леб и вметнете го чоколадото и парчињата маршмелоу, па оставете го сендвичот во сад.
• Измешајте ги какаото, јајцата, млекото и ванилата, додека смесата не се соедини.
• Истурете ја чоколадната смеса врз сендвичите и оставете така да отстојат 10 минути.
• Измешајте ги кремот за готвење и шеќерот во прав во еден сад.
• На тава ставете да се растопи путерот, па од сите страни пржете ги сендвичите.
• Сендвичот пресечете го на половина и одозгора сервирајте со топка од белата смеса.