Четири месеци нема обвинение за убиецот од Кочани

Четири месеци нема обвинение за убиецот од Кочани

Се уште е во предистражна постапка убиство во Кочани, кога поранешниот партнер со над 40убоди од нож  пред нејзината куќа ја усмрти  46годишната кочанчанка. И по речиси четири месеци од свирепото убиство, предметот се уште е во предистражна постапка. Претседателката на кочанскиот Основен суд за Алфа вели дека  предметот се уште е во истрага и тие како инсутуција  немат добиено обвинение за случајот. Во меѓувреме пак од Обвинителство кратко брефираат дека истрагата за случајот е во тек, не откривајки други детали.

Свирепото убиство се случи на 25 септември минатата година. Тогаш убиецот во раните утрински часови, пред да замине на работа ја начекал својата жртва и со кујнски нож, нанесувајќи и над 40 убоди во градите, стомакот, вратот и рацете  ја лиши од живот.  59годишниот маж по убиството ја почекал полицијата и се предал.

    Агонијата на жртвата траела седум години. Живеела со закани и била уценува од него со наводно компромитирачки фотографии. Иако во април минатата година дури и го пријавила, нејзината пријава не била сватена сериозно.  Тогаш од ОЈО брефираа дека била уценувана во врска со кредит и дека немало закани по нејзиниот живот и загрозување на сигурноста.  

Александра Ристевска

КАТЕГОРИИ
Споделете ja веста