Бугарските власти го истражуваат токсичниот отпад, македонските напишаа соопштение

Кој гарантира дека токсичен отпад од Италија каков што беше откриен во северна Бугарија не завршил и во Македонија? Невладините активисти  со сомнеж за поврзаност на увозот на  отровен отпад во Бурагија,  за што фирмата Блацион, чиј сопственик е Македонец, а содружник е директорот на Дрисла, Горан Ангелов е под истрага на тамошните власти.

Министерството за животна средина немало да се меша во истрагата на Бугарија за увозот на токсичен отпад од фирмата на македонски државјанин, која стигнува и до директорот на Дрисла.  За власта било важно граѓаните да знаеле дека Дрсила нема дозвола за увоз на отпад.

„Без да навлегуваме во активности во други држави, за граѓаните е важно дека:Дозволите за увоз на отпад ги издава МЖСПП. Досега нема ниту една дозвола издадена за правното лице Дрисла – Скопје, ДОО за увоз на отпад. Увоз на отпад во РСМ заради депонирање е забранет согласно со Законот за управување со отпадот. Дрисла е компанија која има дозвола за вршење дејност депонирање на отпад и затоа и не може да се јави како увозник на  каков било отпад, ниту опасен ниту неопасен“ – е ставот на Дрисла

Бугарскиот министер за животна средина е притвор. Се истражува кој се е вмешан во увозот на 25 те контејнери отровен отпад зад кој стои фирмата Блацион, Отровното ѓубре во тврда и течна состојба од Салерно Италија пристигнало на пристаништето во Варна, каде ги преземала фирмата Блацион. Бугарските власти сметаат дека се на траг на откривање отпад со криминално минато, во кој е вмешана и италијанската мафија од Сицилија.

Катерина Гетева