Богојавление во Охрид – Светиот крст повторно кај варошанец
Древниот тропар ,,Во Јордание” одекнуваше низ калдрмисаните улички во стариод дел на Охрид, наговестувајќи дека чесниот крст повторно е во рацете на варошани.Прв пат од осветените езерски води крстот го извлече 25 годишниот Мартин Гоџокој за големиот христијански празник Богојавление се капи од своја 7 годишна возраст ,а 10 години се обидувал да доплива до чесниот крст.
Голема желба ми беше да го фатам барем еднаш во мојот живот и тоа се случи.Се осеќам прекрасно, мислам дека ќе ми донесе многу голема среќа, благосостојба во фамилијата. За да стигнеш до чесниот крст мора да постиш, да си внесен во верата и да ги почитуваш правилата на црквата-рече Мартин Гоџо.
Тајфата на Гоџо ќе се обиде да тропне на сечија врата -за како што вели, чесниот крст да влезе во сечиј дом и да го освети. Тој ги претекна стотиците капачи кои дојдоа од сите градови на земјава и на кои нити исклучително ниската температура на водата од само 7 степени не ги поколеба да си ја пробаат среќата.
Ова е возвишено чувство за еден православен христијанин кој прави храбар подвиг на ова студено време да влезе во водите на Охридското езеро и да си го прими Бога во себе-изјави Илија Симјаноски-капач од Тетово.
По симболичното капење во водите кое значи духовно раѓање, верниците се покрстуваа миејќи се и налевајќи од езерската вода која ќе ја понесат дома.
1. За многу години да е и се најубаво ; 2.Многу убаво, преубаво, ќешќе само вака сите години да е и да си го славиме Свети Јон и сите празници,да помине пандемијата, да имаме поубав живот напред велат граѓаните.
И таткото на градот упати празнична порака и до своите сограѓани.
За мене ова е најголемиот ден кој се случува во Охрид и мислам дека она кое што нас како народ не држи помеѓу другото е традицијата,треба да ја одржуваме и да се гордееме со неа-рече Кирил Пецаков-градоначалник на Охрид.
И годинава празнично се одржи групно крштевање во водите на Охридското Езеро,убава традиција која започна пред 12 години.
Центарот на православието, денеска блесна со исконска убавина,а градот е полн со гости,но она што можеше да се забележи дека безмалку никој не носеше маска, нити одржуваше дистанца,а во угостителските објекти тешко можеше да се најде слободно место.
Росица Голабоска