Бизнисмените бараат итни мерки за спас на фирмите и работните места

Бизнис секторот на колена. Стопанствениците две година наназад бараат од државата  намалување на парафискалните давачки, пониски царински стапки, воведување даночен календар. Иако им беше ветено од премиерот, дека ќе има намалување дури до 75 % на разните такси, сертификати, лиценци и слично, досега не им се исполнија ветувањата, кои се дел од четвртиот пакет мерки.

ТЕЛОП- МИНИНСТЕРСТВО ЗА ЕКОНОМИЈА

Како дел од четвртиот пакет мерки предвидено е оваа мерка да отпочне со реализација во период декември 2020-јануари 2021 година.

Владата проектира дека рецесијата ќе биде минус 4,4%, а дупката во државната каса ќе достигне 920 милиони евра. Бизнисот смета дека владата не очекувала поголеми приходи во буџетот, бидејќи бизнисот нема скоро да застане на нозе и да продолжи да ја полни државната каса преку даноци, придонеси, царини.

Претседателот на Стопански комори, Бранко Азески алармира дека кризата неспорно ќе трае до 2025 година а веќе од втората половина на наредната, компаниите година ќе бидат оставени сами на себе. Дел од нив ќе пропаднат. Многу ќе отпуштаат вработени. Тој смета дека најдобрата опција била да се прашаат 30-те најголеми фирми на кој начин владата треба да им помогне.

ТЕЛОП- БРАНКО АЗЕВСКИ-ПРЕТСЕДАТЕЛ НАСТОПАНСКИ КОМОРИ НА МАКЕДОНИЈА

Неопходно е економскиот тим на Владата да има подготвено долгорочна стратегија како македонската економија да се справи со кризата – дополнително на тоа, потребно ќе биде државните власти да ослободат средства од компаниите (преку ревидирање на царинската политика и парафискалните давачки), кои треба да бидат насочени кон вработените и раст на платите, на кој начин ќе се гради човечкиот капитал, кој може да биде најсилната компаративна предност на секоја економија за побрзо закрепнување.

Антикризните мерки кои се неопходни треба да се насочуваат кон домашните компании смета Азески, бидејќи тие најмногу го полнат буџетот и создаваат работни места а носат и девизи преку извозните активности.

Викторија Миткова

Поврзани вести