БиХ: Од почетокот на годината пристигнале 21.000 мигранти

Босна и Херцеговина се соочува со се поголем број мигранти, а во Унско-санскиот кантон од почетокот на годината пристигнале 21.000 мигранти, изјави кантоналниот министер за внатрешни работи Нермин Кљајиќ.

Тој укажува дека, според показателите, бројот на мигрантите се зголемува во споредба со минатата година.

– Имаме поголем број мигранти во текот на првите седум месеци од годинава отколку во цела 2018 година. Повеќето пристигнуваат од Пакистан, Авганистан и Мароко, истакна Кљајиќ.

Според него, многу е поголем бројот на мигранти кои се надвор од прифатните центри.

Кљајиќ предупредува дека ситуацијата се влошува од ден на ден, а грижата околу исхраната и здравствената нега им се препуштени на меѓународните организации.