Арсовска си најде нов виновник за дебаклот со раководењето на Скопје

Смет до гуша, диви депонии, смрдеа, хаос со автобуси, а како капак, шофер на ЈСП е обвинет за несреќа во која загина 17 годишно момче – Скопје тоне, а градоначалничката Данела Арсовска пере раце. Соочена со заканата дека може да и бидат одземени ингеренциите на јавните претптијатија, наместо да се фати за работа, влезе во отворена војна со владата и премиерот. Тие биле виновни за хаосот во кој се дави главниот град откако е дојдена на фунцкијата. По прозивката од премиерот дека нешто итно мора да се преземе во Скопје, таа одговори со контра обвинување – владеачката партија вршела „политички терор„. Како и секогаш, таа бега од јавни настапи, па одговорот го испрати во пипсмена форма.

– Апелираме да се стави крај на политичкиот терор, и сега како одговорна владејачка партија, Мицкоски да превземе одговорност за состојбите во главниот град за кои најзаслужни се советниците и членовите на Управните и Надзорните одбори на градските јавни претпријатија“, соопштуваат од Град Скопје.

Со други зборови, Арсовска која како функционер стана рекордер по поставувањето и менувањето на директори по јавните претптијатија, сега ги обвинува управните одбори дека биле виновни за нивното нефункционирање. Тврди дека имала план за вработување, за набавки на нови контејнери, машини, дрвја, зеленило, автобуси и резервни делови, но не можела да ги спроведе.

„Кој е како Данела Арсовска? Седи, добива плата и провизии, а Владата ѝ ги плаќа ратите за автобуси кои Арсовска не е способна да ги плаќа“, и одговорија од ВМРО-ДПМНЕ.

Реакцијата на Арсовска следи откако владата, на инсистирање од скопјани на кого им е пукнат филмот од состојбата во градот, побара од неа да се фати за работата за која е платена, во спротивно можно е и да и се одземат ингеренциите врз јавните претпријатијата.

Инаку, Арсовска важи за еден од најлошите и најнепсособните градоначалници на Скопје во поновата историја. Таа постојано е критикувана од граѓаните, затао што за време на нејзиниот краток мандат главниот град целосно тоне. Во пердиодот од кога е дојдена на власт има направено речиси 40 кадровски промени, главно менува луѓе кои пред тоа самата ги поставила. Нема населба која не смрди на смет затоа што не се празнат редовно контејнерите, а диви депонии никнуваат на секој чекор. И умираат животни во зоолошката градина, која пред таа да стапи на функција беше една од главните атракции во скопје. Состојбата со ЈСП е посебна приказна, таму секој ден е нова авантура. Не само што нема доволно автобуси, туку и се случуваат несреќи, кои кулминираа со првата жртва. Шофер од ова јавно претпријатие е обвинет дека предизвикал несреќа во која животото го загуби 17 годишно момче.