Наполи се интересира и наскоро ќе испрати емисари кај Симоне Инзаги кој во моментов го води Лацио, а нашиот репрезентативец Елиф Елмас би можел уште во текот на сезоната, и најдоцна преку летото, да добие нов тренер. Карло Анчелоти не ги исполни големите очекувања на Сан Паоло, а плус влезе во конфликт со играчите, па медиумите во Италија сметаат дека тој нема иднина во Неапол, а во меѓувреме дознале и кој е тренерскиот таргет на Аурелио Де Лаурентис.