Тешка задача за Адеми и Ристовски во 1/8-финалето од ЛЕ

Македонските репрезентативци, Стефан Ристовски и Аријан Адеми со Динамо Загреб изборија осминафинале во Лига Европа, а денешната ждрепка посака во оваа нокаут-фаза да играат со еден од најголемите фаворити за титулата, Тотенхем. Најголемо внимание со сигурност ќе предизвика двомечот меѓу Манчестер Јунајтед и Милан. Третиот премиерлигаш, Арсенал за против го доби Олимпијакос, Рома ќе ги измери силите со Шахтар, Ајакс против Јанг Бојс, Динамо Киев со Виљареал, Славија Прага ќе се сретне со Глазгов Ренџерс и Гранада, која сензационално ги исфрли Наполи и Елиф Елмас, сега ќе игра со шведскиот Молде. Првите дуели се закажани за 11 март, реваншите седум дена подоцна.