27 април три години потоа, клучот на кризата повторно во Собранието

По три години откако Талат Џафери на контроверзен, драматичен начин беше избран за претседател на Собранието, што резултираше со крвава пресметка државата повторно е исправена пред волјата на политички калкулации.  Сега пардоксот е – веќе распуштениот праламентарен состав повторно да седне во собраниските клупи, со што според стручната фела би извршиле брутално кршење на Уставот. Клучот е во рацете на Џафери, а тој сега мудро молчи. Но, со самиот факт што не постапува по барањето на колаициониот партнер СДСМ, односно иницијативата на која потпис ставија 35 пратеници, дава до знање дека сепак ставовите на Заев и Џафери, дали пратениците овој пат ќе влезат во Собранието,  не се како од пред три години.

А што беше во позадина на 27 април 2017 тој одговор се уште не успеа да го даде Судот. Бројни судски постапки, десетици обвинети, без правосилни пресуди и згора на се амнестирање на пратеници, оние кои ги отворија собраниските врати и без нив немаше толпата да влезе во парламентот и да се случи крвавиот четврток. А нив ги ослободи токму Собранието, со законот за аменстија кој беше желба и политички договор на власта на СДСМ и ДУИ за да се смени уставот и името на државата. Наспроти амнестијата, 15 мина добија 211 години затворска казна, правдата ја чекаат зад решетки оти второстепениот суд се уште не се изјаснил по првостепената пресуда. Делото за кое ги товари обвинителството е теростистичко загрозување на уставниот поредок и безбедноста. Но, за собраниските настани се водеа уште десетина различни судски поспаки, за насилство, убиство во обид, учество во толпа и беа осудени околу 40 лица.

Обвинителството тврди дека ги има и организаторите на 27 април, а како доказ тврдење на веќе осудено лице за собраниските настани, кое беше и во бегство, но под чудни околности се предаде на органите на прогонот, по се изгледа за да стане совесен граѓанин во духот на правдата, онаа по терк на политиката.

Катерина Гетева