Јорданов на гости кај најстарите браќа – желби и честитки за подобра и поуспешна Македонија
“Сите да сме живи и здрави! Да имаме држава и да си ја сакаме Македонија”порача стогодишниот Ристо Насков, еден од двајцата најстари жители на Штип. На првиот ден од годината на најстарите браќа во Штип, гостин им беше градоначалникот на градот, Иван Јорданов.
“ Да бидеме живи и здрави сите! Македонија да ни биде жива и здрава и да биде држава, а ние Македонци” порача Ристо Насков, вториот најстар жител на Штип.
“Нашиот татко сега во февруари ќе наполни 100 години. Има си ред. Си поспива и обавезно поедна чашка ракија на ден”- вели неговиот син Димче Насков.
Од оваа годинава освен посетата на првото родено бебе во болницата, градоначалникот на Штип, Иван Јорданов традиционално ќе ги ги посетува и најстарите жители.
“Навистина едно прекрасно искуство е да се посети најстариот жител на Штип. Едно позитивно искуство и ја користам оваа прилика да им посакам многу здравје и среќа на сите жители. Општината да се развива и сите заеднички да го градиме и развиваме ова наше општество” – изјави Иван Јорданов, градоначалник на Штип.
Двајцата браќа Симеон и Ристо Наскови од приградската населба Стар Караорман се едни од малкумината кои се уште во прво лице може да зборуват за историските факти. Ристо е роден 1923, а неговиот постар брат Симеон 1920.
Ристо успеал да се спаси од бугарската регрутација, но не и брат му Симеон. По три години служба успеал да да дезертира од бугарската армија.
“Бев војник кај Бугарите, па потоа кај Србите”-раскажува 103годишниот Симеон Насков.
Минатото лето Алфа го посети домот на дедо Ристо. Додека седевме под дебелата ораова сенка овој 101 годишник ни раскажуваше за страдањата и крвопролевањата, за жртвите што сме ги дале во минатото, за денес да имаме држава.
Александра Ристевска