Протестите на приватните превозници се селат пред Град Скопје
Деблокада на центарот на Скопје, блокада на „ Илинденска “. Приватните превозници во 10:00 часот изутрина ги селат автобусите од раскрсницата кај „ Мавровка “ и раскрсницата кај „ Црвен Крст “ на Булеварот Илинден на потегот од „ Фонтана“ до „ Мида “ . Ова било одлучено на состанокот на координативното тело на приватните превозници, причината е тоа што нивниот револт е насочен кон градоначалничката, а не кон граѓаните.
Бесот се` повеќе се фокусира кон главниот виновник за состојбата, а тоа е управата на Град Скопје. Се стеснува кругот и на виделина излегува кој е крив за оваа ситуација и затоа е можно фокусот на протестите и блокадите да биде само пред Град Скопје, рече Кемал Муриќ, раководител на секторот сообраќај и контола во „Слобода превоз“
Приватните превозници остануваат на ставот дека никој нема да се пријави на повикот за индивидуално пријавување од Град Скопје . Тие уште еднаш порачаа да им се исплати долгот во висина од 1,5 милиони евра кој градот го има кон нив,.
Инаку, изминатите денови метрополата е слика на сообраќаен хаос и нервозни граѓани откако околу 200 автобуси се паркираа кај крстосниците кај „ Мавровка“. На булевар „ Илинденска“ , на потег меѓу Владата и Град Скопје и кај Црвен крст во знак на револт за неисплатениот долг. Од друга страна градоначалничката Арсовска никаде ја нема и не попушта. Таа кажа дека нема да го плати долгот на приватниците и им порача да ја тужат.
Кристина Алексиеска