Во опасност е археолошко наследство од непроценлива вредност на самиот автопат Охрид – Кичево, тврди архитектот Зарчев

Непроценливо културно наследство лежи вдолж трасата од автопатот Охрид-Кичево , посебно на потегот од црквата Свети Еразмо во чија близина се наоѓа ранохристијанска базилика. Ескпертите загрижени да не се оштетат раскошните мозиаци кои датираат од 5-6 век.Укажуваат дека вредна археолошка ризница се наоѓа и кај Требеништа.Наместо своевремено да се ревитализираат и презентираат пред македонската и светската јавност едни од највредните археолошки локалитети во охридско кои лежат вдолж автопатот ,сега се доведени во опасност.Во неговата децениска изградба, прашање е дали се извршени археолошки сондажни испитувања кои се обврзувачки со закон,укажуваат експертите.

 “Охрид-Требеништа е археолошко наоѓалиште од светски карактер.И сега таму треба да има некаква петља за автопатот, нека има ама нека побараат решение кое што е контруктивно.Кој го видел ? Ќе ги пуштат таму булдужерите , ќе го направат лом ќе ги уништат културните слоеви и ќе заврши приказната” –вели архитектот Димитар Зарчев.

Згора на се’ на 57-те километри од автопатската делница која требаше да биде готова уште до 2018-та,а сега според уверувањата на власта,треба да биде завршен до крајот на годинава ,сеуште се врши експропријација на земјиштето.

“Има препроектирања, проктирања на нови надвозници, измени на дел од траса,не знам јас стучно, меѓутоа има дополнителни постапки кои што се активни.Иначе мое лично мислење е дека надоместокот за имотот неправично се плаќа генерално, затоа што ја гледаме која е цената на автопатите, гледаме кои се провизиите, надзорите и сите тие работи,а земјиштетето е без него неможеш каде да правиш автопат и сепак е тоа сопственост со генерации на некои луѓе кои доколку не бил патот, можеби тоа нема пазарна вредност меѓутоа тие нема да го продаваа”-вели адвокатот Игор Кичеец.

И додека трае неизвесноста околу изградбата на најскапиот автопат во Европа, вчера во специјалната болница Свети Еразмо е донесен 40 годишен работник од Кина кој при извршување работни задачи на автопатот се здобил со тешки телесни повреди.

Новинар Росица Голабоска

Снимател,монтажа Златко Маневски