Бугарите и Македонците живеат најкратко во регионот, најдолговечни Грците

Бугарите и Македонците имаат најкус очекуван животен век во регионот, а се ниско позиционирани и на европската листа, покажува анализата што ја објави веб-страницата „Лендгејст“ базирана на податоци на Програмата за развој на Обединетите Нации.

Очекуваниот животен век на Бугарите е 74,9 години, а на Македонците 75,7. Следуваат Србите и Албанците со 75,8 години, Црногорците со 76,8, жителите на Босна и Херцеговина со 77,3 и Хрватите со 78,3 години. најдлоговечни во регионот се грците чиј очекуван животен век е 82,1 година.

Во Европа најкус животен век имаат Украинците 72 и Русите 72,4 години. најдолго, пак, живеат Италијанците 83,6, Шпанците и Швајцарците 83,4 години.

Во текстот се забележува дека има прилично голема разлика во очекуваниот животен век на луѓето во западна и во источна Европа.

КАТЕГОРИИ
Споделете ja веста