Јанушев: ВМРО-ДПМНЕ е под полициска опсада, ова што се случува е удар врз демократијата

Она што се случува вечерва  е удар врз демократијата и дно, истакна генералниот секретар на партијата Игор Јанушев.

-ВМРО-ДПМНЕ е под полициска опсада. Членовите на партијата се претресуваат и вознемируваат од страна на полициски службеници. Никогаш во историјата на независна Македонија немало примена на ваква сила врз партија во опозиција. Ова е класична злоупотреба на полицијата во партиско-политички цели. Ова е хајка и линч врз сите кои мислат поинаку. Режисерите на ова сценарио сакаат да ги заплашат сите кои мислат поинаку и се противат на капитулантската, антимакедонска политика на аболицираниот Зоран Заев, рече Јанушев.

Во ваквиот прогон, додаде тој, Заев ги злоупотребува и медиумите.

-Ова што вечерва го прават неговите орди не е помирување, туку дополнително зовривање на политичката криза… ВМРО-ДПМНЕ и Македонија се жртви на неспособноста на Заев. Година и половина ја уништуваат сопствената држава и сето тоа го прикриваат со политички прогон кој кулминираше вечерва и според нашите информации нема да престане. Ако мислите дека ќе не заплашите, се лажете. Добро ве знаеме и ќе ве запамтиме. Ќе дојде денот кога за ова ќе одговарате и вие кои го извршувате ова сценарио и оние кој го нарачаа и организираа по наредба на Заев, заклучи на прес конференцијата генералниот секретар на ВМРО-ДПМНЕ, Игор Јанушев.