Шумски пожар веќе 16-ти ден гори во грчката област Еврос
Шумски пожар веќе 16-ти ден гори во грчката област Еврос, а особено драматична е состојбата во тоа подрачје е во Лефкими, каде е наредена евакуација, јавуваат денеска грчките медиуми.
Активниот фронт е исто така во близина на градот Проватони, јави ЕРТ.
Претставникот на Противпожарната служба Јанис Артопиос изјави дека пожарот има карактеристики на голем пожар кој беснее во густа шума, поради што водата не може да стигне до земјата и да го изгаси огнот, додавајќи дека ќе бидат потребни денови за да се изгасне пожарот. .
Според него, сите други огнени фронтови во регионот на Еврос се претежно решени.
Во реонот на Еврос делуваат 582 пожарникари со 122 возила, како и 16 пешадиски дивизии со воздушна поддршка од 8 авиони и 2 хеликоптери.
Противпожарната бригада работи на расфрлани активни жаришта на периферијата на подрачјето на Суфли, Корнофоли, Дадија, Котронија, Сидиро и Јанули.
