Тринаесетмесечно дете од Свети Николе почина од компликации од морбили

, Image: 5900665, License: Rights-managed, Restrictions: , Model Release: yes, Credit line: Profimedia, Alamy

Тринаесет месечно дете почина вчера попладне од компликации предизвикани од морбили (мали сипаници) на Клиниката за детски болести во Скопје, соопшти Министерството за здравство.

Тринаесетмесечното дете од Свети Николе и претходно имало други здравствени проблеми. Ова е второ дете кое почина од компликации предизвикани од морбили.

– Министертвото за здравство искрено жали што овие деца се жртви на епидемијата од морбили (мали сипаници), болест која може да се спречи со вакцинација. Уште еднаш апелираме до сите родители, најодговорно да ги сфатат препораките за вакцинирање со МРП вакцината, која заштитува од ова сериозно заразно заболување, стои во соопштението.

Министерството додава дека вакцината во здравствените домови се аплицира бесплатно, а вакцините се со проверен европски квалитет и рок на траење.