Судир на автобус и трамвај во Белград: Најмалку 10 повредени

Десет лица се повредени, од кои двајца потешко, во несреќата меѓу автобус и трамвај на Трошарина во Белград. Несреќата меѓу автобусот на линијата 50 и трамвајот на линијата 9 се случила околу шест часот утрово.

„Имаме десетина повредени лица, уште една наша екипа е на лице место. Двајца пациенти со тешки телесни повреди се пренесени во Ургентниот центар за понатамошна дијагностика и лекување“, вели д-р Бојана Аќимовиќ од Ургентното одделение.

Од силината на ударот пукнале сите стакла на автобусот.