Светот за влакно избегна нуклеарна катастрофа

Светот за влакно избегна нуклеарна катастрофа изјави украинскиот претседател Володимир Зеленски откако украинската нуклеарна централа Запорожје поради  гранатирање остана без електрична енергија со часови.

„Дизел генераторите веднаш беа активирани за да се обезбеди енергија на самата станица, за да се поддржи по исклучувањето. Светот мора да разбере каква закана е ова: ако не се вклучија дизел генераторите, ако автоматиката и персоналот на нашата станица не реагираа по прекинот, тогаш веќе ќе бевме принудени да ги надминеме последиците од несреќата со радијација. Русија ги доведе Украина и сите Европејци во ситуација на чекор од катастрофа со радијација“, изјави Володимир Зеленски – претседател на Украина

Инспектори од Обединетите Нации се очекува да пристигнат во нуклеарната централа следниве денови. Од Москва пак велат дека струјата од нуклеарната централа Запорожје во Украина се испорачува нормално и дека нема никакви дефекти, според изјавата на шефот на управата на Енергодар, Александар Волга.

Украинците вознемирени.

„Мислам дека секој што размислува сега се плаши, сите се плашат. Знаејќи го нашиот сосед, знаејќи за што е способен, разбираме дека може да има различни последици од она што сега се случува таму. Затоа сите се плашат. Не сме загрижени за прекините на струјата, туку дека еколошката ситуација може да се промени, изјави Наталија – жител на Киев

„Се разбира, сите се плашат, целиот свет се плаши. Навистина сакам ситуацијата повторно да стане мирна, сакам инспекторите (МААЕ) конечно да стигнат до фабриката. Сакам да се надминат недостигот од струја и да профункционираат дополнителни капацитети. Сакам сите да живееме во безбеден свет, изјави Володимир – жител на Киев

Русија, која ја нападна Украина во февруари, ја зазеде фабриката во Запорожје во март, но украинските техничари продолжија да ја работат под наредба на руските сили.

Бојана Златкова