Салвини: Приемот на бегалци ќе ги охрабри трговците со луѓе

RIGONCE, SLOVENIA - OCTOBER 26: Migrants are escorted by police through fields towards a holding camp in the village of Dobova on October 26, 2015 in Rigonce, Slovenia. Thousands of migrants marched across the border between Croatia into Slovenia as authorities intensify their efforts to attempt to cope with Europe's largest migration of people since World War II. (Photo by Jeff J Mitchell/Getty Images)

Италијанскиот заменик – премијер Матео Салвини остро го отфрли договорот за спасените мигранти за кој посредуваше Европската унија, и рече дека тоа ќе ги охрабри трговците со луѓе.

Според договорот кој го објави премиерот на Малта Џозеф Мускат, европски држави, вклучувајќи ја и Италија, ќе ги примат 49-те мигранти кои уште од декември се наоѓаат на приватни спасувачки бродови, откако тие прво ќе пристигнат на Малта. Покрај тоа, тие ќе примат и поголем број од 249 бегалци кои веќе се наоѓаат на Малта.

Салвини за време на посетата на Полска изјави дека е апсолутно против доаѓањето на нови мигранти во Италија, што е спротивно на ставот на италијанскиот премиер Џузепе Конте.

Салвини е министер за внатрешни работи, лидер на десничарската анти-имигрантска Лига, една од двете коалициски партии во италијанската Влада. Конте рече дека доколку Италија прими околу 15 спасени деца и нивните родители, тоа нема да направи „дамка“ на земјата поради прифаќање на мигрантите кои ги спасиле приватни бродови.