Пожарот во Подгорица е локализиран, се сомневаат дека бил подметнат

Пожарот кој што синоќа избувна во подгоричката населба Долјани во Црна Гора е локализиран околу три часа по полноќ, потврди командирот на Службата за заштита и спасување на Подгорица – Горан Јанковиќ.

Тој за „Вијести“ изјави дека постои сомневање дека е пожарот е подметнат.  Јанковиќ нагласува дека во еден момент биле загрозени куќи, а силниот ветер им ја отежнувал работата на пожарникарите.

Синоќа вчеравечер во 20 часот и 14 минути до Службата за заштита и спасување на Подгорица стигнала пријава дека во Долјани гори ниска вегетација. Веднаш биле испратени пет екипи со петнаесет пожарникари, и по тешки седум часа борба со огнената стихја успеаја да го локализираат пожарот.