Отруени два коња во скопската ЗОО викендов?

Во скопската Зоолошка градина викендов угинале два коња. Случајот во полиција го пријавил вработен во градината, кој се сомневал дека се отруени, соопшти мвр.

„На 29.07.2023 во 15.40 часот вработен во Зоолошката градина во Скопје пријавил во СВР Скопје дека угинале два коња, за кои се сомневал дека биле отруени. Се работи на расчистување на случајот“, иформираат од мвр.

Коњите биле од видот пржевалскиев коњ, што важи за многу ретка и скапа раса која што потекнува од Монголија. Коњите во скопската ЗОО биле донесени од национален парк од Австрија.

Од зоолошката градина за сега нема никаква реакција.

Неодамна во скопската ЗОО угина и жирафата Каспер, кај која, како што покажаа анализите, смртта настапила поради инфекција со салмонела.