Османи го нема никаде откако сите, па и официјална Софија му го побија предавањето за протоколите
Ни одржа предавање како на првачиња и како да изчезна. Откако сите релеватни фактори, вклучувакјќи и ја официјална Софија покажаа дека Османи не ја зборува вистината за тоа дека бугарските бањара не се дел од преговорите со ЕУ, министерот никаде го нема. Ги спакува куферите и замина на посета во Централна Азија како претседавач на ОБСЕ. Ниту збор, ниту реакација нема од Османи за тоа дека неговите тврдења паднаа во вода, бидејќи и Договорот за добрососедство, протоколите и заклучоците на Историската комисија се дел од преговарачката рамка со Европската Унија.
Преку соопштение бугарското МНР му го уништи предавањето на Османи со кое не убедуваше дека само ни останало уште Бугарите да ги вметнеме во Уставот и други услови нема да има. Бугарија упатува на членот 5 од Францунскиот предлог со кој токму Османи се обиде да манипулира, а кој вели:
- „Преговарачката рамка експлицитно ги утврдува принципите што ќе ги дефинираат преговорите за членство. Во точката 5 се нагласува дека напредокот на земјата апликант ќе се мери според јасно дефинирани услови, меѓу кои се критериумите од Копенхаген, Процесот за стабилизација и асоцијација и посветеноста на Северна Македонија за добрососедски односи и поблиска регионална соработка, вклучително и преку постигнување на опипливи резултати и совесно спроведување на билатералните договори, вклучително и Договорот за добрососедски односи со Република Бугарија од 2017 година, како и годишните прегледи и мерки за негово ефикасно спроведување согласно чл. 12 од овој договор“.
Истата порака ја испрати и бугарскиот европратеник Илхан Ќучук. И тој предупредува дека без да се спроведат Договорот за добрососедство, проколите и заклучоците на историската комисија не може да ги започне преговорите со Брисел и дека без промена на Уставот, Македонија ќе се одвои од Албанија на патот кон Унијата.
Од задачите кои треба да ги спроведе Македонија, а произлегоа од проколите и заклучоците на Мешовитата историска комисија, е промена на учебниците за шесто одделение каде ќе треба повеќе да се учи за Тракија и Одринско, отколку за македонската историја.
Во учебниците ќе изостанат и картите на обединета Македонија, ќе пишува и нови историски факти и за Свети Апостол Павле. Шестоодделенците нема да учат за делото на Светите браќа Кирил и Методиј, Свети Климент и Свети, како за севкупната историја и потекло на македонскиот јазик, бидејќи од оваа учебна година тие лекции ќе бидат избришани.
