Нова уште подиректна шлаканица од Агелер: Разочарани сме од напредокот во судството
Власта не ги игнорира само граѓаните на Mакедонија, кои судејќи според претходниот прилог, немаат ни основни услови за живот, ами изгледа до неа не допираат и најдиректните во историјата до сега, пораки од странците и нивната разочараност од нула реформите во правосудството што владата на СДСМ и ДУИ, ветуваше а никогаш ништо не исполни. Денеска нова, уште подиректна критика и разочараност од американската амбасадорка Анџела Агелер. Во интервју за весникот Капитал таа вели: -Кога станува збор за напредокот во судството, ние сме разочарани.
Во последните триесет години, сме инвестирале половина милијарда долари во програми за владеење на правото и добро владеење, но не гледаме подобрувања и реформи што би можеле да ги очекуваме со толку голема инвестиција. Сепак, на крајот на краиштата, системската корупција во целата земја во сите сектори подиректно им наштетува на луѓето во Македонија отколку нам. Сите вие заслужувате општество, судство, влада чии постапки се транспарентни и ви служат вам – на граѓаните. Тоа е камен – темелник на фер и функционална демократија. На тоа треба да се фокусира владата, без разлика на тоа која партија е на власт. Судството мора да биде независна, целосно финансирана и неполитичка гранка на власта. Политичките лидери треба да го сакаат тоа, а вие граѓаните треба да го барате, вели Агелер во интервјуто. Во однос на тврдењата на опозицијата за корупција околу коридорите 8 и 10 д, американската амбасадорка нагласува и повторува: „Ако има наводи за корупција околу коридорите 8 и 10д, истражете ги! Ако утврдите криминал, гонете го!“.
