Низа критики за Македонија од енергетската заедница
Бројни слабости на македонскиот енергетски систем констатира извештајот на секретаријатот на енергетска заедница. Македонија има многу предизвици со кои треба да се справи во иднина за да се намали увозот и да се намали и притисокот врз цените. Недостигот на производство е поради ненавмремено инвестирање во енергетскиот систем .
Она што го забележавме во Македонија, е драстичен пад на домашното производство што сметам дека е поради недостатокот на лигнан и јаглен, стареењето на електраните, климатските проблеми, временските услови, намалениот капацитет на хидроцентралите, насекаде во Балканот пропуштивме многу можности, имаше времиња кога можеше да се инвестира а не се направи тоа, рече Дирк Бушле заменик директор на секретаријат на Енергетската заедница во Европа.
Она што е нејасно за Европската енергетска заедница е зошто Македонија увезува лигнит, и предупредуваат дека постројките за јаглен треба да ги почитуваат правилата за заштита на животна средина . Наместо кон извори кои загадуваат, треба да инвестираме во обновливи извори на енергија. Сепак за инвестиции е потребно стабилно законодавство кое ќе привлече инвеститори, а нам ни недостига и тоа.
Уште една чиста дилема се постројките за јаглен кои сеуште оперираат во земјата , во овој случај има една чиста дилема која е за важноста за генераторот на електрична енергија, многу земји привремено се префрлија кон јаглен, а овие постројки треба да ги почитуваат правилата на животната средина , емисиите на загадовачи кои се штетни на здравјето , треба да се справите со тоа, да се најде решение , како да се спојат овие две цели и за постигнување на енергетска безбедност и заштита на заштита на животната средина , вели Бушле.
Македонскиот енергетски систем е премногу партизиран , критикуваат од опозицијата. Производството е сведено на минимум, а се вложува премалку во зелената транзиција
Генерално Владата се водеше од евтина енергија од Европа има драстичен пад на домашното производство и тоа беше увертира во кризата и во ситуација кога енергенсите драстично пораснаа се најдовме во дополнителна криза, рече пратеникот Здравко Трајанов од ВМРО – ДПМНЕ
Извештајот кој стигна пред пратениците говори мора да има мерки за да се прилагодиме кон високите цени на пазарот на енергенси . Владата и собранието мора да работат заедно за да се подобри стабилноста на енергетскиот систем.
Кристина Алексиеска
