Наместо алкохол и торта, се славеше роденден со кафе и техно

На овој роденден гостите наместо алкохол и торта добија кафе и слушаа добро техно.

За прв пат во нашата земја на еден невообичаен начин во Штип се прослави третиот роденден на агенцијата „Ескејп Травел“. Случувањето беше збогатено со ди-џеј сетот на локалниот „Dj BAZZ“, кој освен техно сетовите, на присутните им го промовираше својот најнов микс со хитовите за престојната сезона.

Како што велат организаторите, настанот ја разбранил секојдневната класична агенда на штипјани и им понудил нешто ново и невообичаено за нивното поднебје. Тие додаваат дека, Штип е одбран како град, од причини што денеска свечено ја отвориле втората канцеларија.

Од агенцијата велат дека се задоволни од големата заинтересираност и од решителноста на граѓаните своето слободното време од работа го искористат за кафе пауза во просториите на агенцијата.

Агенцијата ги изненади присутните со ваучери за нови попусти на актуелните понуди за летната сезона и најавија дека ова е само почеток на она што допрва ќе има прилика да го добие градот Штип.

Покрај неформалниот дел, вработените кои се претежно млад тим, ги советуваа гостите со новите трендови за модерно патување и им даваа насоки за тоа како да заштедат на својот џеб.

Петар Малев, кој е дел од агенцијата вели дека по долго истражување на пазарот, Штип се покажувал како иделано место кое заслужил нешто ново. Локалниот развој и се поголемиот број на студенти кои се одлучуваат своето образование да го продолжат во овој град, биле главните фактори кои го одвоиле градот од останатите.

Според Малев, агенцијата го слави роденденот со кафе и техно не само поради специфичната тематика, туку и затоа што кафето, музиката и патувањето се трите клучни работи за среќа.