Мицкоски: Поднесовме интерпелација за најнеуспешниот министер

Поднесовме интерпелација за најнеуспешниот министер за надворешни работи, oбјави денеска лидерот на ВМРО-ДПМНЕ, Христијан Мицкоски.
Никола Димитров со Заев донесоа капитулантски договор! Понижување и разградување на македонските национални и државни интереси! Димитров кажа дека Македонците биле нација со комплекс!, напиша лидерот на ВМРО-ДПМНЕ Христијан Мицкоски на својот Фејсбук профил.
-Нема датум за преговори со ЕУ. Македонската дипломатија исто како и државата е прикована на дното. Поднесовме интерпелација за најнеуспешниот министер за надворешни работи. За да престане срамот, за да македонскиот углед не продолжи да се урива. Во собраниската дебата за време на интерпелацијата ќе се збори за фактите кои ќе го разобличат неговото делување. Затоа оставка поради црнилата кои и ги донесе на Македонија!, пишува Мицкоски на Фејсбук.