Меркел се залага за продолжување на санкциите на ЕУ кон Русија

German Chancellor Angela Merkel attends a joint news conference with Palestinian Authority President Mahmoud Abbas, not seen. during their meeting at the Chancellery in Berlin, Germany, Thursday, Jan. 19, 2012. (AP Photo/Michael Sohn)

Германската канцеларка Ангела Меркел изјави дека Германија ќе поддржи продолжување на санкции од Европската унија кон Русија поради нивната поддршка на силите во Источна Украина.

По средбата со украинскиот претседател Петро Порошенко во Киев, Меркел како причина за својот став го наведе и отсуството на напредок во исполнувањето на мировниот договор од 2015 година.  Со тој договор е намален обемот на судири, но борбите продолжија, а засега нема политичко решение.

Русија и Украина меѓусебно се обвинуваат за таквата ситуација. Порошенко ја повика Русија да ги повлече своите сили и оружје од истокот на Украина, додека Русија негира дека таму има своја војска.