Медицинските сестри го креваат гласот за повисоки пплати и пристојни услови за работа
Медицинските сестри во Македонија немаат лиценци за работа, немаат комора немаат регистер, немаат бенифиции немаат платени држурства и најстрашно – немаат достоинствени плати – вели за Алфа претседатлката на Унијата на здруженија на медицински сестри Гордана Бешлиоска. Според неа, барањата на Синдикатот на Клинички за усогласување на платите не се доволни и бара порадикални мерки – зошто никаде во регионот примањата на медицинските сестри не се толку доближени до минималната плата.
“По основ на кофицентите медицинските сестри имаат лични доходи 1:3 наспрема лекарите.А кога ќе ги земете во предвид сите додатоци коишти сестрите ги немаат а лекарите ги имаат, бидејќи сестрите дежураат ама не им е платено..соодносот спрема личните доходи е 1:5.Секое едно парцијално било какво покачување, секогаш ќе ги остава сестрите далеку во тој сооднос во однос на лекарите” – вели за Алфа, Гордана Бешлиоска претседател на Унијата на здруженија на медицински сестри, техничари, акушерки и стоматолошки сестри (ЗМСТАС), предводена од Здружението „За нас“.
Бешлиоска алармира дека тешките услови за работа, ниските плати и нерешениот правен статус доведоа до голем егзодус на овој здравствен кадар.Но потенцира дека нема да се откажат додека не добијат пристојни услови за работа и повисоки плати.
“Колку и како се почитуваат колективните договори во здравствените институции и посебно кога се медицинските сестри во прашање.Тоа е еден голем парадокс бидејќи вие кога ќе постигнете анекс договор, и кога ќе се задолжат јавните здравствени установи во ситуацијава, и да го признаат високото образование на сестрите ние имаме ситуација веќе од не цели две години после потпишување на тој анекс договор на сестрите не им е се уште признаена титулата” – вели Бешлиоска.
Од Синдикатот на Клинички вчера поставија услови до власта дека ако не добијат регулирање на личниот доход заклучно со августовските примања на први септември здравствените работници ќе протестираат, а ФЗОМ ќе се соочи со илјадници приватни и колективни тужби.
Ресорниот министер вели дека ги поддржува барањата на синдикатите, ама за зголемувањето на платите им порача да почекаат до септември.
Ања Лукарова
