});

Македонија се соочува со сериозен недостаток од квалификувани работници, Владата ќе прави медиумска образовна кампања

Македонија се соочува со сериозен недостаток од квалификувани работници, но и со голем број невработени млади лица, а бизнисот не може да најде соодветен стручен кадар. Јазот во понудата и побарувачката се јавува поради малиот број ученици кои се одлучуваат за стручно образование. Владата во обид да ги предомисли идните студенти да не се запишуваат на општествени науки, реши преку медиумска кампања, да влијае врз младите да се насочат кон стручно образование.

Вицепремиерот за економски прашања Кочо Анѓушев ппотенцира дека во иднина треба да се работи и на промена на сфаќањето на младите и нивните родители за стручното образование.

– Стручното образование треба да се гледа како можност да се најде работа веднаш по завршување на средно образование, но не и како пречка младите доколку сакаат да го продожат образованието и на Универзитет, рече Анѓушев.

Министерот за образование вели дека годиниве се зголемил бројот на ученици во стручните училишта, но тоа не е доволно, затоа што постојано се зголемува потребата за стручни кадри.

– Овој тип на образование обезбедува најголема веројатност веднаш по завршување на соодветниот степен на образование поединецот да обезбеди работен ангажман и да го валоризира знаењето, рече Министерот за образование и наука Арбр Адеми.

Од Фондот за иновации велат дека Македонија има многу слободни работни места и тоа високоплатени, но сепак потребно е соодветно стручно образование.

И додека компаниите се соочуваат со недостаток на стручен кадар расте невработеноста кај младите. Во моментов таа изнесува околу 35%. Доколку под итно не се направат реформи недостатоткот на работна сила ќе биде се поочигледен кај македонските компании во наредниот период.

Борис Грујоски