Лекарите со препораки до граѓаните како да се однесуваат при екстремно високи температури

Пеколни температури не очекуваат кон крајот на оваа недела. Топлотниот бран кој го зафати регионот доаѓа и во Македонија. Како што за Алфа рече д-р Бојан Трајковски, граѓаните треба да избегнуваат, колку што е можно, излегување од 10 до 17 часот, и да ги почитуваат препораките од Центарот за јавно здравје.

Хроничните болни, посебно тие со срцеви, невролошки и белодробни болести, потребно е да бидат многу дисциплинирани во однос на овие препораки и редовно да ја земаат својата терапија. За секакви промени на здравствената состојба, задолжително да го консултираат матичниот доктор.

• Кога мора да се оди надвор, да се избегнува изложеност на сонце и да се одмара под сенка. Постојано да се пијат повеќе течности, посебно вода, како и безалкохолни пијалоци, додека да се избегнува консумација алкохолни и пијалоци што содржат кофеин, како и екстремно студени пијалоци. воедно апелираат за сериозно почитување и придржување кон општите препораки за заштита од топлотен бран, велат лекарите.

Во најтоплиот период од денот да се избегнуваат физички активности, да не се спортува, и колку што може да се седи во климатизирани простории. Кога е најтопло, додаваат лекарите, највнимателни да се повозрасните граѓани, хронично болните, како и бремените жени. 

• Во најтоплиот период од денот да се избегнуваат напорни физички активности, вклучувајќи спорт и рекреативни активности, да се седи во затворени климатизирани простории, со затворени прозорци и ролетни во текот на денот. Прозорците да се отвараат навечер кога температурата е пониска, додаваат лекарите.

Од Управата за хидрометеоролошки работи веќе најавија дека не очекува топол бран со дневна температура од над 35 степени. Според синоптичарите, ниту од сабајле нема да е свежо како до сега, односно ќе биде над 20 степени. Особено топло ќе биде во четврток и петок, кога температурата ќе надмине 40 степени. Соседството, конкретно Грција, веќе е зафатена со пеколни жештини. Тамошното Министерство за здравство веќе излезе со препораки и совети до граѓаните како да се заштитат од високите температури.

Борис Грујоски