И Полска кажа да за Македонија во НАТО

Полскиот парламент денеска го ратификува Протоколот за членство на Македонија во НАТО. За ратификација на Протоколот гласаа 388 пратеници, еден беше против, а двајца воздржани.

Во образложението на Законот за ратификација на Протоколот, се вели дека приемот на Македонија во НАТО ќе придонесе за стабилизирање на Балканот и ќе помогне за продолжување на реформите во тој дел на Европа. Влезот на Македонија во НАТО, се нацедува во законот, е и потврда дека вратата на Алијансата останува отворена, за што Полска силно се залага.

Полска е десетата земја што го ратификува Протоколот. Прва тоа го стори Грција, а по неа и Словенија, Албанија, Бугарија, Хрватска, Црна Гора, Романија, Литванија и Данска. По ратификацијата на Протоколот во парламентите на сите 29 земји членки на Алијансата, Македонија и официјално ќе стане полноправна членка.

МИА