Енергетските и здравствените компании со фантастични профити среде енергетска и здравствена криза

Енергетските и здравствените компании со фантастични профити среде енергетска и здравствена криза. Во време на галопирачка инфлација и постојан раст на цените на храната и основните производи добро им одело и на големите синџири на супермаркети.

Публикацијата „100 најголеми“ покажува дека во 2021-та ЕВН Македонија имала чист профит од над 28 милиони евра што сепак е за 5% помалку во однос на 2020-та година.

Компанија                           Профит                    Промена

ЕВН Македонија            28.025.388                      -5%

Макпетрол                      22.341.517                      293%

ТЕ-ТО                                 20.608.128                      70%

ЕВН Електрани                 3.863.136                        1531%

Пуцко Петрол                   3.591.623                         32%

Супертрејд                         3.241.099                         117%

Лукоил                              2.699.892                          26%

Макпетрол заработил над 22 милиони евра и има раст на профитот од дури 293%, но во оваа сума влегуваат и парите од продажбата на гасоводот ГА-МА.

ТЕ-ТО имал ќар од над 20 милиони или 12% повеќе. ОКТА заработила над 6 милиони евра, ЕВН Електрани речиси 4 милиони, Пуцко Петрол 3.5 милиони, Супертрејд 3.2 милиони, Лукоил 2.7 милиони евра.

Во здравствениот сектор во 2021-та година најголема заработка имал Алкалоид, речиси 21 милион евра што е за 12% повеќе во однос на преходната година. Аџибадем Систина остварила профит од над 17 милиони евра или дури 195% повеќе, Жан Митрев над 9 милиони или 14% повеќе. Промедика прокнижила добивка од 6.5 милиони евра, Биотек 3.7 милиони, Авицена 3.1 милион, Авицена лабораторија 2.8 милиони, Биотек лабораторија 2.6 милиони, Реплек и Ре-медика по 2.3 милиони евра, д-р Пановски нешто над 2 милиони евра.

Компанија                           Профит                    Промена

Алкалоид                        20.835.865                    12%

Аџибадем Систина             17.363.014                    195%

Жан Митрев                     9.233.320                      14%

Промедика                        6.565.180                     356%

Биотек                                3.706.118                       48%

Авицена                             3.117.942                       61%

Биотек Лабораторија       2.630.284                       66%

Кај малопродажбата најголем профит имал Веропулос, над 10 милиони евра. Следи КАМ со над 5 милиони, па Кипер маркет со речиси 4.8 милиони, Стокомак 3.6 милиони, Тинекс речиси 2.6 милиони, Кит-го 2.2 милиони.

Добро им одело и на продавниците за бела техника – Сетек заработил 2.8 милиони, а Нептун речиси 2.5 милиони евра. Компанијата СЦМ која го менаџира Скопје сити мол имала проифт од 5.1 милион евра. Бутиците Ваикики заработиле речиси 4.5 милиони евра.

Инаку во публикацијата „100 најголеми“ првите пет места припаѓаат на Џонсон Мети со профит од речиси 80 милиони евра, ИГМ Трејд од Кавадарци со над 51 милион, Рудникот САСА со над 35 милиони, ЕВН и Македонски Телеком со по 28 милиони евра.

Борис Грујоски