Експлозија на плинска боца во делчевско утринава

Делчевските пожарникари денеска спречија поголемо опожарување на семејна куќа при експлозија на боца во делчевското село Тработивиште. Од Територијалната противпожарна единица Делчево информираа дека при експлозијата не е предизивикана посериозна штета.

-Денес околу 7:30 часот имавме имавме интевренција по експлозија на плинска боца во семејна куќа во село Тработивиште. Експлозијата беше од помал размер што придонесе релативно за брзо време да го локализираме пламенот што зафати една соба, но за среќа не се прошири во останатите делови од куќата. Во акцијата учествуваа двајца пожарникари со едно возило, соопштија од ТППЕ Делчево.

Во пожарот, како што информираа, едно лице се здобило со изгореници од полесен вид.

При несреќата настанала мала материјална штета, односно опожарување на дел од столаријата во внатрешниот дел од објектот.