Граѓаните штедат и на храна – Месото станува луксуз
Месото се поретко се наоѓа на македонските трпези. Граѓаните се жалат на се поскапите цени на основните продукти, кои ги принудуваат да штедат и на храна. Пред објективот на Алфа, дел велат дека месо и месни производи јадат најмногу два пати неделно, а дел велат дека врмето кога јаделе месо е поминато, бидејќи тоа станало луксуз и повеќе не можат да си дозволат.
Во најновата пресметка на синдикалната кошница, за да опстои едно четири-члено семејство во јули годинава му биле потребни 48 илјади денари, односно две плати по 24 илјади денари. Па во ситуација каде семејните примања се две минимални плати, за најосновните трошоци на едно семејство би му недостасувале околу 5 илјади денари.
Инаку, во споредба со претходните пресметки, синдикатите бележат постојан раст на трошоците за исхрана и пијалоци. Тоа веројатно се должи на укинувањето на ценовните маржи на основните продукти, како инфлацијата, која иако стана едноцифрена, останува висока.
Никола Цветкоски
