Во 2021 преполовена бројката на млади меѓу 15 и 29 години во источна Македонија, споредено со 2002

Речиси преполовена бројката на млади луѓе на возраст од 15 до 29години во Источна Македонија. Статистичките податоци помеѓу двата пописа на Државниот завод покажуват поразителни податоци.

 Во единсетте општини во источниот регион за 44 % е намалена младата популација. Во 2002 имало вкупно 41.771 жител на возраст од 15 до 29, за разлика од 2021 кога во табелите за возраст се попишани  23.655 жители.

   Телоп    Работоспособно население на возраст од 15-29

   Општини                       2002                                2021            разлика

Зрновци                            721                                     315            -56,3%

Виница                            4784                                   2320            -51,5%

Делчево                          4102                                   1992            -51,4%

Пехчево                          1163                                     605            -48,0%

Чешиново-Облешево    1563                                     815            -47,9%

Македонска Каменица  2061                                   1085             -47,4%

Пробиштип                     3642                                   2007            -44,9%

Берово                            3013                                   1700            -43,6%

Кочани                            8695                                   5129            -41,0%

Штип                             11223                                   7076            -37,0%

Карбинци                          804                                     611            -24,0%

Прва по негативниот демографски раст во регионот е Зрновци. Доказ  за тоа е и што во оваа општина првото бебе во оваа година се роди дури пред неполна недела. Но не само во Зрновци, егзодус врз младите луѓе е направен  и во останатите градови низ државата. Ова се должи на лошата ситуација, беспарицата, девалвирани државни вредности, па поради тоа младите се иселуваат и наместо во Македонија, своите семејства ги создаваат низ светот..

  Анкета

Статистистиќките податоци покажуваат дека Маврово и Ростуше се први по намалување на бројот на млади луѓеВо оваа општина бројот на млади луѓе за една декада е намален за дури 65,7%. Единствено позитивен тренд во бројот на млади луѓе од 15 до 29години е регистрирано во Арачиново и Студеничани. Во Арачиново бројот е зголемен за 2,1%, а во Студеничани за 5%.

Александра Ристевска