Во пресрет на меѓународниот ден на Аутизмот, никој не знае колку лица со Аутизам има во Македонија
Потребата за постојана грижа за децата со аутизам, прави скоро секогаш едниот родител да не може да работи, додека финансиската помош што ја добиваат од државата е незначајна, вели Братислав Јовановски, родител на дете со попреченост. Дополнителен товар, според него е тоа што голем број на родители плаќаат и приватни асистенти и дефектолози, бидејќи децата не можат самостојно да функционираат, а помошта од државата во оваа смисла сериозно недостасува.
- „Секаде каде што се движиме во јавноста, нашите деца се игнорирани. бегаат од нив како да е заразна состојба. Затоа вклученоста и профаќањето од општеството е многу важна.“ – Вели Јовановски, родител на дете со попреченост.
Јовановски нагласува дека државата мора да води поголема грижа за овие категории на луѓе, бидејќи за да воспиташ и пораснеш дете со попреченесот има многу предизвици и бара многу пожртвуваност.
Денеска децата со аутизам, заедно со учениците од Св. Наум Охридски во скопската зоолошка градина поставија рачно изработени дрвени куќички, за кои имале помош од студентите на машинскиот факултет.
- „Придонесовме со нашата нова лабараторија, каде се изработени куќичките. Дизајнирани од нашите студенти. Учениците на работилницита ги изработија и декорираа. Денеска ги поставуваме тука во зоолошката градина.“ – Вели Јелена Џокич, Доцент на Машинскиот факултет.
Децата со попреченост се генијални а некогаш дури и повеќе од останатите.
- „Со секој проект ние докажуваме и покажуваме дека децата со попреченост се подеднакво генијални и успешни како и сите други деца. Она што до сега на нив не им било дадено можност, шаанса да ги изрзат своите творечки потенцијали, креираме такви проекти, со кои што го докажуваме токму спротивното. Дека тие и тоа како во некои ситуациии можеби и се подобри од останатите.“ – Истакна координаторката на проектот, Маја Димитрова од националната галерија.
Кај нас не се знае точната бројка на граѓани кај кои е дијагностициран Аутизам бидејќи не се водат такви статистики. Здруженијата долги години наназад прават напори да се направи регистар за да се знае бројката, колку помош е потребно, и колку дечиња со ваква дијагноза би се запишале во прво одделение.
Никола Цветкоски
